Saga La Brújerí­a

Markmið La Brújería er að bjóða upp á 100% náttúrulegar húð- og vellíðunarvörur unnar úr íslenskum og mexíkóskum jurtum.

Við stefnum einnig að því að kynna Íslendingum Aztekarótina og lækningamátt hennar, á sama tíma og við deilum mexíkóskri menningu hér á Íslandi og styðjum við fátæk samfélög í Mexíkó.
1/2

La Brújería nýtir lækningarmátt náttúrunnar til að skapa vörur sem næra húð, heilsu og fegurð.

Það er okkur ekki síður mikilvægt að gefa náttúrunni aftur af því sem hún gefur.

Við gerum þetta með því að kaupa beint frá sjálfbærum birgjum — þeim sem rækta skóginn á sama hraða og þeir uppskera.

Við greiðum þeim einnig sanngjarnt verð fyrir vörurnar þeirra (fair trade) og styðjum þannig við tekjulágar samfélög í Mexíkó.

Í skiptum bjóðum við upp á hágæða vörur á sanngjörnu verði.

Við reynum alltaf að nota umhverfisvæna umbúðir og forðast aukakassa eða óþarfa efni.

Hvernig byrjaði La Brújería?

Það má eiginlega segja að þetta hafi allt byrjað með tannverk í Kólumbíu, hversu einkennilegt sem það kann að hljóma. Vegna mjög slæms tannverks kynntist ég eldri mexíkóskum manni sem gaf mér úða sem deyfði sársaukann og hreinsaði sýkinguna. Sá úði er auðvitað Aztek úðinn sem ég sel í dag.

Eftir það ferðaðist ég með honum til Mexíkó til að vinna við hlið hans, og ég flutti inn á heimili hans — lítið, heillandi hús inni í skógi í smáu fjallaþorpi. La casa del bosque.

Við heimsóttum afskekkt samfélög og kenndum konum að nýta staðbundnar jurtir og auðlindir úr umhverfi sínu til að græða sig sjálfar og búa til vörur sem þær gátu selt. Einnig var lögð mikil áhersla á ræktun og endurheimt skógarins.

Þar kviknaði raunverulegur áhugi minn og ástríða fyrir jurtafræði. Heima hjá “gamla manninum,” eins og ég kalla hann, var ég stöðugt að spyrja hvernig ég gæti búið til ýmislegt fyrir húðina — olíur, smyrsl, hormónajafnandi blöndur og fleira.

Þarna byrjaði ég að þróa eigin uppskriftir af olíum og smyrslum, sem ég hef síðan stöðugt betrumbætt og þróað áfram.

Að búa hjá honum var eins og að búa með opinni bók, og ég lærði ótrúlega mikið á þessum tíma. Síðar sneri ég aftur til Mexíkó og lauk diplómanámi í jurtafræði og jurtasmíð.