Í dimmum vetri hækkar sól

Í dimmum vetri hækkar sól
bræðir hjartans klakabönd
svo hlý

Systurnar syngja svo fallega um hina hækkandi sól sem við finnum
öll fyrir að lýsir upp allt með hverjum deginum nú þegar nær dregur að vori.

Með birtunni kemur vonin um að jörðin vakni úr vetrardvala og
líkamar okkar með, eftir vetrardvalann er mikilvægt að huga að heilsunni og styðja varlega við hamskiptin á þessum tíma þegar vorvindarnir feykjast ískaldir og næða að okkur.

Við erum vakin hressilega og höfum nýjan kraft til að kíkja í
margmenni og fylla á búrið eins og gestir á Matarmarkaði Íslands fengu að upplifa um helgi í Hörpunni þar sem sólin skein skært á gesti og alla fallegu básana með fjölbreyttu góðgæti og mikið af íslenskri framleiðslu eins og frá býflugnabændum.  Við kynntumst einum þeirra og nú er La Brújería komin með býflugnavax frá honum sem fer beint í næstu framleiðslu á Aztek smyrsli.

Við leitumst alltaf eftir að versla við bændur og ræktendur í
nágrenni okkar ásamt vinum og kunningjum í Mexico og sjáum að sífellt fleiri eru að prófa sig áfram svo vonin er björt um að við höldum öll áfram að nýta gjafir náttúrunnar fallega saman í samvinnu.

Takk fyrir ykkur öll sem komuð við á básnum um helgina! það voru
bæði nýjir og reyndari viðskiptavinir sem við hittum, allir til í að fræðast um vörurnar og prufa ásamt því að gera góð kaup en Aztek sprey er t.d ein af þeim vörum sem er ávallt gott að eiga uppí skáp þegar á reynir.

Við vorum með húð og heilsuvörurnar til sýnis og sölu með
sérstakri áherslu á jurtatinktúrum og rauðum þörungum (astaxanthin) en það er eitt af virku efnunum í Aztaglow andlitsolíunni og nú bjóðum við uppá öskju með mánaðarskammti af þörungahylkum til inntöku.

Þörungar eru mikið í umræðunni um þessar mundir og til eru margar tegundir af þeim. Við fáum rauða Astaxanthin þörunga frá Algalíf sem er íslenskt fyrirtæki og brautryðjandi hérlendis í að rækta upp náttúrulega rauða þörunga og rannsaka virkni þeirra (sjá nánar www.algalif.is) og þeir eru eitt af öflugustu andoxunarefnum
sem finnast og bæði efla blóðflæði og frumuendurnýjun sem styður við bætt heilbrigði húðar og hefur græðandi áhrif á húðvefi t.d eftir ör og veðrun vegna kulda og hita eða sólar.

Jurtatinktúrur voru einnig kynntar um helgina en það er jurtaúrdráttur þar sem jurt er brugguð í etanóli og vatni þar sem virka efnið úr jurtinni leysist upp í vökvanum. Tinktúrurnar
koma með dropateljara og það eru settir 20-40 dropar út í vatnsglas til að drekka tvisvar á dag, sem gerir þetta ákaflega einfalt í notkun.

"Moon Pain Away” er ein af okkar blöndum af jurtum sem draga úr spennu og bólgu í neðri kvið og gagnast því vel til að draga úr tíðaverkjum og meltingarkvillum og hafa viðskiptavinir látið einstaklega vel af þeirri blöndu.