Frá vetri að vori

Frá vetri að vori

Þá erum við komin inní marsmánuð og síðustu vikurnar fram að vorinu en vorjafndægur verða þann 20.mars næstkomandi og þá er dagurinn frá sólarupprás að sólsetri jafnlangur nóttinni hvar sem er á jörðinni.

Birtan eykst með hverjum degi og fuglarnir farnir að syngja aðeins meira, við erum að nálgast vorið.

Víða um land er allt hvítt af snjó sem eykur enn á birtuna, við mælum með að fara daglega göngutúra eða allavega aðeins útfyrir þegar sólin er hæst á lofti til að þiggja birtuna og ljóskóðana inní hverja frumu, það skiptir máli fyrir líkamann og geðheilsuna, snjórinn er alger blessun sem kælir og hreinsar okkur og samfélagið.

Fulla blóðtunglið 3.mars með tunglmyrkva var táknrænt fyrir enn eina ólguna í heiminum þar sem allt úrelt og falskt fær að koma uppá yfirborðið til að hreinsast út úr samfélaginu, samskiptum og samböndum fólks um allan heim

Núna erum við í skugganum af tunglmyrkvatímabilinu og þá kemur margt uppá yfirborðið sem er gott að skoða hvernig hægt er að hlúa að sér, heila og hreinsa sig bæði persónulega sem og heimilið.

Það er einfaldur en kraftmikill galdur að taka til í skúffum og skápum, hreinsa hornin á heimilinu og hella sér uppá jurtate og taka inn birtuna á daginn, myrkrið á kvöldin, kveikja á kerti og minna sig á það sem þú ert að næra og það sem þú ert að heila og hreinsa.

Við bjóðum áfram uppá Rósadekurgufu í Skerjafirðinum og næstu dagsetingar má sjá hér að neðan.

Í hverrigufu leggjum við upp með sama grunninn; öndun, hugleiðsla, prufum La Brújería húð og heilsuvörur og opnum inná röddina með einföldum tónum og jafnvel litlu sönglagi.  Hver gufa er einstakt ferðalag sem tekur mið af árstíð og tunglgangi og áherslan er á að eiga slökunarstund sem nærir líkama og huga í samveru með öðrum. Við erum afar þakklát fyrir allar gufustundirnar frá upphafi og þykir vænt um að margir koma aftur og aftur, við bjóðum nú uppá 10.skipta kort sem er á örlítið hagstæðara verði fyrir þau ykkar sem vilja koma reglulega í dekurgufu.

Einnig bjóðum við upp á hópefli fyrir þinn vinnustað eða vinahóp.

Þá bjóðum við uppá einkaviðburði bæði í gufukofanum og einnig í sal í Síðumúla allt eftir þínum óskum.

Velkomið að senda okkur fyrirspurn á labrujeria@labrujeria.is og fá tilboð fyrir þinn hóp.